चलचित्र निर्जलाको दशैं गीत सार्वजनिक

लेन्सनेपाल २०७५ असोज ७

चलचित्र निर्जलाको गीत सार्वजनिक गरिएको छ । दशैमा प्रदर्शन हुने भनिएको चलचित्र निर्जलाको दशैंसँग सम्वन्धित गीत यसपालीको दशैंमा... सार्वजनिक गरिएको हो ।

सार्वजनिक गरिएको दशै गीतमा बाबुल गिरी र सुजता बर्माको स्वर रहेको छ । गीतमा बाबुल गिरीकै शब्द तथा संगीत रहेको छ । गीतमा किशोर खतिवडा र शुभेच्छा थापालगायतका कलाकारहरु फिचर्ड भएका छन् ।

राजु गिरीको निर्देशनमा तयार भएको चलचित्रका निर्माता प्रकाश चन्द्र न्यौपाने हुन् भने कार्यकारी निर्माता शुभेच्छा थापा हुन । चलचित्रमा शुभेच्छा थापाको कथा, रवि कोइरालाको छायाँकन, अशोक खड्काको द्धन्द्ध, कमल राई र क्रान्ति केसीको नृत्य र तारा थापा किम्भेको सम्पादन रहेको छ ।

लभ, कमेडी र एक्सनको समिश्रण भनिएको चलचित्रमा किशोर खतिवडा र शुभेच्छा थापाका अलवा निम शर्मा, श्याम राई, पल्पसा डंगोल, रश्मी भट्ट, अन्जली घिसिङ, राजु गिरी, बालकलाकार सागर गिरी लगायतको अभिनय रहेको छ ।